FIR JIDDEREEN,
DEE BESCHTEN TRAINING!
FIRWAT AFORM?
0

FIRWAT AFORM?

Wat eis ausmécht ass eisen individuellen Coaching!

Bei AFORM sidd Dir net nëmmen eng Nummer an eng Ënnerschrëft. Bei eis ginn et keng frais d´inscription a keng Mindest-Lafzäiten. Am Kader vun engem éischten, perséinlechen
Berodungsgespréich versiche mir fir all Client déi beschten Strategie erauszefilteren an auszeschaffen. Et ass Äert Ziel an Är Motivatioun déi de Wee virgëtt.

Wichteg ass, dass Dir Erfolleg hutt!

Mir loossen eis un Ären Resultater moossen. Firwat sollt Dir och trainéieren wann d´Resultater ausbleiwen?

Wann Dir onbedéngt eppes erreechen wëllt. Wann Dir Wäert op Qualitéit an ee gudde Coaching leet. Wann Dir effektiv, ofwiesslungsräich an interessant Traininger wëllt. Dann ass AFORM genau dat richtegt fir Iech.

Macht direkt e Rendez-Vous fir e Berodungsgespréich oder kommt einfach bei eis laanscht.

Loosst Iech detailléiert erklären mat wéi enger Strategie Dir wäert Resultater hunn.

 

MÉI INFOS

EIS PHILOSOPHIE: INDIVIDUELL & EFFEKTIV

Huelt de Maximum aus Ärer Zäit!

Dat wichtegst ass, Är perséinlech Ziler ze respektéieren. Training kascht Zäit, Geld an bréngt déi eng oder aner Aschränkung mat sech. Genau dowéinst beméit sech AFORM Ären Training optimal ze plangen an Iech effektiv beim Erreechen vun Äre perséinlechen Ziler ze ënnerstëtzen.

Unerkannten, modern an effektiv Trainingsmethoden erhéijen d'Chancen op Äre perséinlechen Erfolleg.

Trainéiert fir d´Ufuerderungen vum Liewen a vum Sport!

Wa mir e Bléck op den traditionelle Kraaft-Training op Maschinnen geheien, stelle mir fest dass sech dʼBeweegungen bei dësen
Übungen op een eenzegt Gelenk limitéieren. Mee wéi oft limitéieren sech am Alldag oder beim Sport Beweegungen op een eenzegt Gelenk oder op eng isoléiert Muskelgrupp?
D' Äntwert ass kloer: ni!

Aus deem Grond bestinn dʼÜbungen bei AFORM aus komplette Beweegungen déi verschidde Gelenker a Muskelgruppen gläichzäiteg eraus fuerderen. Dat si Prozesser bei deenen ee méi Energie an deemno och méi Kalorien verbraucht. Nach dobäi ass et vill méi effektiv wéi den traditionelle Kraaft-Training op de Maschinnen.

 

DEN DÉTAIL

EIS GUIDELINE

Är perséinlech Zilsetzung huet fir eis héchst Prioritéit.

Oft fält et schwéier eng Verbindung tëscht der sportlecher Beweegung an dem Alldag ze fannen. Trainéiert dofir fir dʼUfuerderungen déi dʼLiewen un Iech stellt.

Besser, clever a sécher trainéieren.

Functional Training, och funktionellen Training genannt, symboliséiert dat aktuellt Ëmdenken am Sport: Beweegung amplaz vu Bodybuilding. Et ass méi sënnvoll Beweegungsofleef ze trainéieren wéi eenzel, isoléiert Muskelgruppen op Maschinnen opzepompelen. FT trainéiert de Kierper genau esou wéi en an der Realitéit wierklech funktionéiert.

DʼMotivatioun gëtt duerch Resultater gesteigert.

En ideaalt Ëmfeld erméiglecht déi perfekt Betreiung an erhéicht dʼEffizienz vum Training enorm.

Eng weider Richtlinn vun AFORM ass et, eng héich Trainingsqualitéit ze garantéieren. Den Training ass op deenen
neiste sportwëssenschaftlechen
Erkenntnisser opgebaut an entwéckelt sech permanent weider.

 

WEIDER LIESEN

0
GEZIILT AFORM!

WEIGHT MANAGEMENT PROGRAM

Eise beschte Programm!

An dësem Programm kriss du alles wat mir kënnen, an alles wat mir wëssen. De WMP ass eise beschte Programm, wann et däin Ziel ass deng Fitness ze verbesseren, Fett ze verbrennen a besser auszegesinn.

Ernährungscoaching

Fir sécher Resultater ze hunn maache mir mat all Grupp en Ernährungscoaching. No engem Seminaire hues du d´Méiglechkeet an engem 6 Wochen Programm 2 mol
d´Woch mat dengem Coach ze trainéieren. Oder wann et muss méi schnell goen, an engem 4 Wochen Programm 3 mol d´Woch.

6 Wochen oder 4 Wochen -
2x/Woch oder 3x/Woch

An dësen 12 Traininger, déi alleguer vun dengem Trainer gecoacht ginn, huele mir zesummen dat bescht méiglecht Resultat eraus. Zousätzlech zu dësen Traininger, krit Jiddereen
d´Méiglechkeet fir den Zäitraum vum Programm selbstänneg am Gym ze trainéieren. Sou oft ee wëll, wéini ee wëll.

Abonnement - Open Gym

 

WMP

HUEL DIR DÉNG PLATZ AM WMP

Start vun den nächste Programmer:

10.01.2015 !
14.02.2015 !
18.04.2015 !

Maximal 6 Leit! Reservéier elo deng Platz am WEIGHT MANAGEMENT PROGRAM!

Du hues d´Méiglechkeet um WMP deel ze huelen ouni weider Verflichtungen mussen anzegoen. Keng frais
d´inscription.

Ernährungscoaching + 12 Traininger + Abonnement Open Gym

 

WMP

SIN ECH AFORM?
0

PERSONAL TRAINING

Huelt de Maximum aus Ärer Zäit an konzentréiert Iech op Äert Zil.

Personal Training ass héich effektiv. PT bei AFORM riicht sech komplett no Ären Ambitiounen. Zäitgeméiss Trainingsmethoden déi Spaass maachen erhéijen net nëmmen Är Motivatioun mä och Är Chancen op
Erfolleg.

Fir de Personal Training steet Iech en extraen Raum zur Verfügung.

Eis qualifizéiert Fitnesscoachen
garantéieren eng professionell Betreiung a steigeren dʼQualitéit vun Ärem Training bedeitend. Beim AFORM PT gitt Dir Schratt fir Schratt a mat all Training besser. De komplette Prozess gëtt permanent analyséiert an evaluéiert. Esou kenne mir den Training besser plangen a wann néideg upassen.

Mir maachen alles fir Iech schnell a sécher Resultater ze erméiglechen.

 

KOMM AFORM!

FAQ PERSONAL TRAINING

WÉI FÄNKEN ECH UN?

Dir kënnt direkt bei AFORM uruffen, 691 74 81 81 oder eng E-Mail op office[at]aform.lu schécken. Dir kënnt awer och spontan bei AFORM laanscht kommen.

Nodeems Dir Kontakt opgeholl hutt, këmmere mir eis zesummen ëm e Rendez-vous. An engem perséinleche Gespréich kënnt Dir dann erausfannen op dʼZesummenaarbecht mat AFORM fir Iech interessant ass.

Dëst Strategie-Gespréich ass natierlech fir näischt.

 

WOU GËTT TRAINÉIERT?

WÉI OFT A WÉI LAANG GËTT TRAINÉIERT?

FIRWAT PERSONAL TRAINING?

200
ËMMER AFORM

ABONNEMENT - OPEN GYM

Bei AFORM ginn et keng frais
d´inscription a keng Mindest-Lafzäiten. Dat heescht du bestëmms selwer iwwert wéieen Zäitraum däin Abonnement leeft.

Fir 1 Mount OPEN GYM froe mir dech 69 €.

Eiser Philosophie no gëtt all Training gecoacht. E gudde Coaching mécht ee méi schnell besser, an erhéicht d´Chancen op Resultater. Dofir kanns du och am Laf vun dengem Abonnement op eis Ënnerstëtzung zielen.

 

KONTAKTÉIER EIS

BASIC PACKAGE

Wanns du nei bei AFORM bass, hu mir eng speziell Offer fir dech!

Am BASIC PACKAGE ass net nëmmen den Abonnement fir ee Mount, mee och ee spezielle Cours mat dran. Emol an der Woch bidde mir dir den AFORM BASICS Cours un. An dësem Cours léiers du sécher an effektiv ze trainéieren. Iwwer däin éischte Mount schaffe mir hei en Trainingsplang fir dech aus, no deems du dann duerno weider trainéieren kanns.

Abo Open Gym + Trainingsplang + Equipement

Kompletéiert gëtt de BASIC PACKAGE vun enger DVD, engem Handout iwwer
d´Ernährung an engem Miniband. Du kriss also ganz vill Informatiounen a souguer Equipement mat op däi Wee AFORM ze kommen.

Maach am beschten direkt e Rendez-Vous fir däi Berodungsgespréich. Dëse Rendez-Vous ass natierlech fir näischt. Hei kenne mir dir detailléiert erklären wéi eng Strategie fir dech déi beschten ass.

 

RV MAACHEN

ABO OPEN GYM & GROUP TRAINING

Kombinéier däin Abonnement mam Group Training.

Du wëlls flexibel trainéieren, esou oft a wéinis du wëlls? Gläichzäiteg wëlls du awer och un de Gruppe Cours´en deel huelen? Dann ass dat hei déng Léisung.

Abo Open Gym & Group Training

Wéi beim klasseschen Abo Open Gym ginn et och hei keng frais d´inscription a keng Mindest-Lafzäiten. Du bestëmms selwer iwwert wéieen Zäitraum däin Abonnement leeft. Fir d´Lafzäit hues du gläichzäiteg Accès an all eis Group Traininger. Déi genau Zäiten fënns du hei op der Internetsäit: Group Training Planing.

ZESUMMEN AFORM
500

GROUP TRAINING

TRX & CO.

An de Gruppen Traininger vun AFORM kriss du ofwiesslungsräich Traininger mat interessantem Equipement. Ziel ass e kompletten Training fir de ganze Kierper.

Vir 15 € kriss du e richteg gudden Training!

 

INTERESSÉIERT?

GT PLANING

Méindeg   17.30 – 18.30
Dënschdeg   18.30 – 19.30
Mëttwoch   17.30 – 18.30
Donneschdeg   18.30 – 19.30
Freideg   17.30 – 18.30
Sonndeg   10.00 – 11.00

Du hues d´Méiglechkeet um GROUP TRAINING deel ze huelen, ouni mussen een Abonnement oder soss iergendeng Verflichtung anzegoen.

Vir 15 € kriss du e richteg gudden Training, zesummen an enger Grupp. Dës Traininger kanns du och notzen fir dir en Androck iwwert d´Traininger an
d´Coachen bei AFORM ze maachen.

Am GROUP TRAINING brénge mir dir och bäi wéis du effektiv mat Equipement trainéiers, dats du eventuell nach net kenns.

De Schwéierpunkt läit um TRX Training!

 

GET INFOS

AN ENGEM DAG AFORM

READY TO RUN

Speziell fir Leefer a Lafufänger!

Fir all Leefer ass ee gezielten Fitness- an Athletiktraining sënnvoll. Am Workshop READY TO RUN weise mir dir wéis du e bessere Leefer gëss a gläichzäiteg Verletzunge vermeide kanns.

Trainingspläng + Equipement

Jiddereen deen um Workshop deel hëllt krit en Handout mat Übungen an Trainingspläng, e Miniband an eng Blackroll. Reservéier elo déng Platz!

Nächste RV: 24.01.2015 um 15.00!

 

WORKSHOPS

PROBLEM NR.1: RÉCKWÉI

RÉCKWÉI ass de kierperleche Problem Nummer 1 an eiser Gesellschaft. An dësem Workshop geet et virun allem drëm dir Strategien un
d´Hand ze ginn, fir däi Réck an de Grëff ze kréien.

Trainingsprogramm + Equipement

Zesummen entwéckele mir e Programm mat gezielten Übungen géint RÉCKWÉI.

Am Workshop kris du och nach eng Blackroll fir de selbstännegen Training. Kontaktéier eis elo a bréng däi Réck erëm AFORM.

Nächste RV: 31.01.2015 um 15.00!

 

WORKSHOPS

PROFESSIONELL AFORM

TRAININGSMATERIAL & EQUIPEMENT VUN AFORM

Äert Trainingsmaterial vun AFORM

Ob als Privat Persoun, Fräizäit- oder Leeschtungssportler, Veräin, Club oder Federatioun, bei eis krit Dir dat beschten an effektiivsten Equipement fir Ären Training.

Functional Training Equipment

TRX, Blackroll, Dynamax Medizinbäll,
Minibands a Kettlebells sinn nëmmen e puer Beispiller vun "Trainings-Tools" aus dem Beräich "Functional Training".

Bestellt Äert Equipement bei AFORM a profitéiert gläichzäiteg vun eiser praktescher Erfahrung.

 

KATALOG UFROEN

STUDIO-BERODUNG

Egal ob Dir als Privat Persoun e Fitnessraum, als Fitnesscoach e PT-Studio oder als Gemeng e Fitness- a Kraaftraum fir eng Sportshal wëllt ariichten.

Mir hëllefen Iech Äre Projet ze realiséieren!

Mir begleeden Iech vum éischten Entworf bis bei de fäerdege Studio, an nach méi wäit. Profitéiert vun eiser praktescher Erfahrung a loosst Iech professionell berooden.

Kontaktéiert eis elo a maacht Äre Rendez-Vous mat eisen Experten!

 

Berode loossen

MAT EIS AFORM

JEFF PAULUS

DIPLOM-SPORTLEHRER
MANAGER AFORM SARL

Fitnesscoach
Personal Trainer
Athletiktrainer

De Jeff Paulus huet zu Saarbrécken Sportwëssenschaft studéiert an ass Diplom-Sportlehrer. No sengem Studium huet hien am Mee 2011 AFORM gegrënnt.

Vun do un huet de Jeff selbstänneg als Fitnesscoach, Personal Trainer an Athletiktrainer geschafft.

Vu Mee 2011 bis Dezember 2012 huet hien sech zu Bettenduerf (Dikrech) lancéiert. De 5. Dezember 2012 war
d´Ouverture vu sengem Personal Training Studio zu Schëffléng am Espace Paramédical du Sud.

Den nächste Schratt ass am Januar 2015 mat der Grënnung vun der AFORM SARL gemaach ginn. Den AFORM Fitness Coaching Center ass elo um Belval Nord, zu Bieles.

MANON MAROCHI

PERSONAL FUNCTIONAL TRAINER

Fitnesscoach

D'Manon Marochi-Bock ass à la base Educatrice.

Komplett iwwerzeegt vum Functional Training, huet hatt sech nodeems et zanter 2011 regelméisseg beim Jeff Paulus trainéiert huet,an eng nei Aventure lancéiert.

Am Juli 2014 huet hatt ugefangen mat senger Formatioun an Enn September krut hatt zu Köln säin 1.Diplom als Personal Functional Trainer.

691 198 160

 

EMAIL

THIERRY HENSEN

LEHRER FÜR ERNÄHRUNG

Fitnesscoach

661 965 907

 

EMAIL

WOU AFORM?

AFORM

ADRESSE

250, WAASSERTRAP
L-4408 BELVAUX

KONTAKT

691 74 81 81
office@aform.lu

 

AFORM KONTAKTIEREN

 

Numéro d´identification

Numéro de l´autorisation d´activités et services commerciaux

ZESUMMEN AFORM
DENG ZAIT:
 
OP FACEBOOK SHAREN
DU BASS ELO AFORM
SCROLL PERFORMANCE
 
SCROLL DECH AFORM
00:00
WEIDER TRAINÉIEREN
0%